Eskola Sao Pedro Selebra Mesak Loron Dom Bosco

MEDIAONETIMOR-Tamba importante ba komunidade edukativu maka eskola Parókial Sao Pedro Comoro Dili, iha loron 31 Janeiru tinan ne’e tenki selebra festa Sao Joao Bosco la hamutuk ho komunidade hanesan tinan-tinan antes ne’e.

“Komunidade Salesiano Dom Bosco sira selebra misa iha lorokraik, estudante sira ba selebra hamutuk sei fila kalan. Transporte laiha. Ho razaun ne’e maka komunidade Sao Pedro selebra deit iha eskola.”

Haktuir Diretor eskola Paroquial Sao Pedro Comoro Dili, Pe. Adérito Manuel E. Vitor da Costa, SDB ba JPSP, Tersa (31/01). Nia hateten, loron 31 Janeiru sai nu’udar loron Dom Bosco nia mate. Nune’e igreja foti Dom Bosco nu’udar Aman, Belun no Mestre ba foin sa’e sira. Liu-liu ba edukador foin sa’e sira. Hosi ne’e maka Santa Kreda tahu imajem Dom Bosco nian hanesan modelu ba edukador sira.

Pe. Aderito esplika liután, ho sistema preventiva ne’ebe maka Dom Bosco uza hodi lori estudante sira koñese no hakbesik a’an liután ba Maromak maka edukador tenki edukadu hodi eduka estudante foin sa’e sira. Liu hosi selebrasaun ne’e espera estudante no profesór sira bele ba nati tuir Sao Joao Dom Bosco.

Hameno Pe. Aderito hodi dehan, “Estudante Sao Pedro tenke ativu iha estudu hodi sai juventude ida ne’ebe nakonu ho esperitu jioventude nian hodi banati tuir exemplu Dom Bosco hodi sai Aman, Mestri no Belun ba labarik foin sa’e iha Nasaun Timor-Leste.”(JornalParedeSaoPedro/Noemio/Deolinda)

 

Leave a Reply

Your email address will not be published. Required fields are marked *