Kandidatura Prezidente Hetan Numeru Sorteiu

MEDIAONETIMOR-Hafoin foti formulariu hodi hetan apoiantes, hamutuk Timor-oan nain 8 maka ofisialmente rejistu tiha ona iha tribunal rekursu hodi kandidata a’an para kompete ba eleisaun Prezidente Republika ba periode 2017 to’o 2022.

Tuir Presidente Tribunal Rekursu, Dr. Gelermino da Silva ba Media One Timor katak hosi kandidatura nain 8 ne’e rua konsege hetan admiti tanba la priense kriteria. Maibe hafoin halo verifikasaun maka nain 8 ne’e kompete hotu ba eleisaun jeral.

Katak Gelermino, tribunal rekursu halo numeru sorteiu ba kandidatura nian 8 atu fo numeru ordem ba iha buletim de votus hanesan; Numeru 1 monu ba Antonio Maher Lopes alias Fatuk Mutin, numeru 2 monu ba Francisco Guterres alias Lu-Olo, numeru 3 monu ba Amorin Vieira, numeru 4 monu ba Jose Anotonio de Jesus Das Neves, numeru 5 monu ba Jose Luis Guterres alias Lugu, numeru 6 monu ba Maria Angela Freitas da Silva, numeru 7 monu ba Luis Alves Tilman no numeru 8 monu ba Antonio da Conceicao.

“Husi numeru de sorteio sei hatama ba voletim de hodi fo sai ba publiku konaba numeru ne’ebe mak hetan husi kandidatura sira nian para sira bele ba esplika ba sira nia apoiante sira konaba sira nia numeru de sorteio,” katak Gelermino.(Rosito Soares Fernandes)

Leave a Reply

Your email address will not be published. Required fields are marked *