Eskola Tékniku Vokasional Becora, Inagura

MEDIAONETIMOR-Ho tulun orsamentu U$9 milliaun hosi ajensia Korea, Koica, desde tinan 2013 dezemvolve livru ensinu, fó formasaun, dezloka espertu Koreano, rehabilita edifisiu hamutuk 18 (7400M2) no harí kafetaria foun to’o loron, Segunda (27/2) hetan inagurasaun.

“Ida ne’e demostrasaun kona-ba realizasaun politika VI governo ni-nian. Ne’e maka politika komversaun sekola teknika vokasionais maka agora daun-daun konklui ona hodi bele dezemvolve edukasaun tékniku vokasionais diak liutan.”

Hateten Ministru Edukasaun, Antonio da Conceição alias Kalohan bainhira remata inagura Eskola Sekundaria Téknika Becora liu hosi koa fita ne’ebé akompanya hosi Embaixador Korea ba Timor-Leste.

Ho projeitu ne’e nia objective atu rehabilita eskola téknika vokasional Becora avansadu no aprende tecnolojia iha eskola, serimonia Konkluzaun ba rehabilitasaun Eskola Téknika vokasional Becora ne’e hetan partisipa hosi; Primeira Dama, Isabel Ferreira, Director Koica Timor-Leste, Heongcheoh Kang, Diretor Eskola Sekundaria Téknika Becora,Francisco Guterres, mestra no alunus sira.

Ministru Edukasaun ne’e hatutan, Eskola Sekundaria Téknika Becora nu’udar politika komversaun teknika vokasionais ne’ebé eziztentes hamutuk hó Koica hodi fó importansia ba dezemvolvimentu edukasaun ensino tékoniku vokasionais nian.

Iha parte seluk Diretor Koica Timor-Leste, Heongcheoh Kang relata iha komunikadu Imprensa ne’ebé Media One Timor simu husu kooperasaun entre Ministerio Edukasaun ho Eskola Téknika vokasional Becora atu hadiak kualidade edukasaun liu hosi rekruta estudante hamutuk 60 kada departamentu para hanorin ho domin. Tulun eskola ho responsabilidade.

Ho naran Projeitu rehabilitsaun Eskola Secundario Bekora katak Heongcheoh, eskola ne’e para promove no eduka tékniku potensial sira bazeia ba experensia oi-oin iha seitor edukasaun vokasional.

Aliende ne’e tuir Heongcheoh, Koica fo tulun ona tipu ekipamentu 686 ne’ebe nesesariu ba departamentu; Informasaun Teknolojia (IT), Mekaniku, Elektroniku, eletrisidade, konstrusaun sivil no automovel.

Katak Heongcheoh, Koica mós fó tulun sala hanorin engeral no sala hanorin ba professor sira. Atu uza ekipamentu sira ne’e desenvolve ona kurikulu no formasaun dala 3 ho total partisipante nain 45. Formasaun lokal 2 durante fulan 6 atu hafahe koñesimentu konaba fornese instrusaun efetivu ba estudante sira.

Ba sustentabilidade projectu ne’e Heongcheoh esplika, hafoin projetu remata Koica no MPC halo livru didatiku ka livru ensinu ba professor sira no ba estudante. Halo plano mestradu ba jestaun eskola tuir area ida-idak. Koica bele fahe koñesimentu Korea nian iha seitor edukasaun no gestaun eskola nian.

Liu husi tulun hirak ne’e eskola Sekundaria Teknika Becora sai ona eskola teknika diak liu iha Timor-Leste. Eskola ne’e mós sai ona eskola kompetitivu ne’ebe iha estudante terseiru ano hamutuk nain 180. Estudante segundu ano hamutuk 480. No estudante primeiru ano hamutuk 380 ne’ebe admitidu entre aplikante hamutuk 1.000.

“Ne’e hatudu katak eskola ne’e sustentavel, ho sistema avansadu atu hasa’e tulun orsamentu husi Ministeriu Edukasaun. Estudante sira selu U$5 kada fulan hanesan mensalidade ka propinas ne’ebé halo eskola aseguru orsamentu sufisiente hodi halo operasaun ba eskola,” hateten Hyeongcheol.

Iha fatin hanesan Director Eskola Sekundaria Téknika Becora, Francisco Guterres hateten prosesu rehabilitasaun eskola ne’e hahu ona iha tinan 2012 bainhira nia superior maka Jose do Santos.
Konta Francisco, nu’udar director ba eskola ne’e iha momentu ne’eba Jose do Santos halo proposta ida ba iha Embaixada Koica atu oinsa maka bele tulun eskola téknika vokasional Becora ne’e.

Hateten Francisco, Jose do Santos nia proposta ne’e hetan rezultadu. Governo Korea liu husi Agency Koica, iha tinan 2013 hahu halo lansamentu primeira pedra ne’ebe hala’o hosi Eis Ministro Eduksaun, Saudozu Fernando Lasama de Araujo.

“Atu hahu konstrusaun hetan abertura hosi atual Primeiro Ministro, Rui Maria de Araujo to’o ohin loron realiza serimonia ba rehabilitasaun,” hateten atual Diretor Eskola Secundario Teknika Vokasional Becora, Francisco Guterres.(Deonisio da Cruz/Aderito Ximenes)

Leave a Reply

Your email address will not be published. Required fields are marked *