Finance Officer – Grants (Versaun Tetum)

Finance Officer – Grants

  • Fatin iha Dili, Timor-Leste
  • Kontratu serbisu ho termu fiksu ba tinan 1 – ho posibilidade ba estensaun

Programa

Programa Parseria ba Dezenvolvimentu Umanu (PHD) entre Governu Austrália no Timor-Leste sei apoia implementasaun Planu Dezenvolvimentu Estratéjiku 2011 – 2030 Governu Timor-Leste nian no refleta mós Austrália nia kompromisu atu serbisu hamutuk ho Timor-Leste.  Objetivu prinsipál hosi PHD mak atu hadi’ak dezenvolvimentu umanu iha tinan sanulu nia laran ho vizaun atu apoia povu no Governu Timor-Leste hodi harii no sustenta indivíduu no komunidade ne’ebé saudável, iha edukasaun di’ak no iha prosperidade; moris ho dignu no bele determina rasik sira-nia futuru. PHD sei koordena implementasaun no interasaun integrada ba programa huosi setór ualu ne’ebé uluk implementa keta-ketak iha área saúde, edukasaun, saneamentu, bee, nutrisaun, igualdade jéneru, defisiénsia no protesaun sosiál.

Pozisaun

Fianance Officer – Grants sei hala’o knaar nu’udar pontu fokál kona-ba asuntu finanseiru hotu-hotu relasiona ho Grants, serbisu hamutuk ho PHD nia ekipa Finansas, koordenadór(a) setór no grantee sira, kona-ba jestaun rekizitus finanseiru ba Grants, tuir PHD nia prosedimentus no Commonwealth nia Regras no Matadalan Grants nian. Ofisiál Finansas Grants sei konsolida:

  • Administrasaun Finansas kona-ba GrantsMantein no monitoriza dokumentu finanseiru grants no dadus sira atualizadu hodi garante tranzasaun finanseiru grants dokumenta ho loloos iha sistema fianseiru hotu-hotu. Ida-ne’e sei inklui revizaun ba Grantee nia proposta orsamentu ba kontratu no konfirmasaun orsamentu, monitorizasaun no rekonsiliasaun Grantee nia relatóriu finanseiru, tranche no atividade finanseira sira seluk nia data prazus no acquittals.
  • Jestaun ba relasaun ho Grantee – fó apoiu akompañamentu ba pesoál grantee sira bainhira presiza hodi hadi’ak administrasaun finansas kona-ba Grants. Ida-ne’e inklui asiste grantee sira iha preparasaun hato’o relatóriu finanseiru ne’ebé loloos, inklui vouchers, journals.
  • Apoiu programa no hato’o relatóriu finanseiru – fó apoiu ba PHD nia Grants Managers relasiona ba hato’o relatóriu finanseiru hotu-hotu, halibur informasaun finanseira ba administrasaun Grants, taka ka investigasaun bainhira presiza.

Kandidatu ne’ebé mak ideál sei iha:

  • Diploma ka Lisensiada iha área finansas relevante
  • Esperiénsia mínimu tinan 2 espesializada ba grants acquittals, rekonsiliasaun no jestaun hato’o relatóriu kona-ba asuntu finanseiru relasiona ba grants
  • Esperiénsia iha jere dadus no dokumentu fianseirus ho loloos uza software Sistema fianseiru
  • Abilidades entrepesoál di’ak ho kapasidade atu jere relasaun ho Benefisiáriu sira, parseiru grant sira no parte-interesada sira seluk.
  • Nivel profisiénsia iha Tetun, hakerek no ko’alia Inglés.

PHD mak programa ida ba tinan 5 to’o 25 Abríl 2021. Pozisaun ida-ne’e disponivel ba durasaun kontratu fulan 12 ho posibilidade ba estensaun bazeia ba dezempeñu indivíduu, aprovasaun orsamentu programa no aliñamentu ho planu traballu ne’ebé la’o hela.

Informasaun Liután & Oinsá atu Hatama Rekerimentu:

Deskrisaun detalladu ida ba pozisaun ne’e bele haree iha online liuhosi link

http://abtjta.turborecruit.com.au/job/jobDetailsPreview.cfm?id=980865

Rekerimentus bele mós haruka liuhosi email ba hr@phd.tl – favór hakerek títulu pozisaun iha email nia Subject. Rekerimentu hotu-hotu tenke inklui CV atuál, karta rekerimentu detalla sira-nia serve ba pozisaun ida-ne’e.

Data rekerimentu taka: Segunda 20 Marsu 2017 (Kalan – tuku 11.00 OTL)

Abt Associates mak lider rekoñesidu ida iha setór dezenvolvimentu internasionál. Serbisu ho ami-nia parseiru barak, Abt Associates implementa solusaun inovadora brani nian hodi hadi’ak komunidade sira-nia moris no entrega rezultadu valorizadu sira ba ami-nia klientes. Ami fornese servisu kompreensivu lubuk ida hosi polítika ba prestasaun servisu iha setór públiku no privadu sira kontribui ba benefísiu tempu-naruk ba kliente no komunidade sira. Halo operasaun iha ambiente remotas no susar, ami oferese esperiénsia boot iha rejiaun ne’e, kapasidade téknika forte, no iha rekorde jestaun projetu ne’ebé komprovadu. Ami komprometidu ba igualdade jéneru iha ami-nia estratéjia empregu no enkoraja rekerimentus hosi feto sira ho kapasidade. Abt Associates nu’udar organizasaun ida-ne’ebé seguru ba labarik no promove seguransa, rahun-di’ak no inkluzaun ba labarik hotu-hotu.

Human Resource | Partnership for Human Development

1st Lane, Block E01-12, Palm Business & Trade Center

Surik Mas, Fatumeta Bairro-Pite, Dili, Timor-Leste

E: hr@phd.tl | M: +670 7787 9321

 

Leave a Reply

Your email address will not be published. Required fields are marked *