Helder: “Area Financas 7 Mak Importante”

MEDIAONETIMOR-Atu funsionariu sira ne’ebe servisu iha area fiskais politikus nian hatene halo planeamentu maka Ministeriu das Finanças halao presaun nomos fo formasaun ba fiskais nasionais sira.

“Ohin (Kuarta,15/3/2017) fo atendementu ba sira ne’ebe servisu iha area diresaun finansas públika instituisaun estadu husi nivel nasional no munisipiu. Nune’e sira bele hatene sobre planu ne’ebe mak diak.“

Lia fuan hirak ne’e hato’o hosi Vice Ministro das Financas, Helder Lopes ba jornalista sira iha Centro Convensaun Díli (CDD), iha loron ikus programa halo presaun no formasaun fiskais politikus ne’ebe hala’o hosi loron, Tersa, (14/03) to’o Kuarta, (15/03).

Nia hateten, iha area financas hitu ne’ebe mak importante para ajuda funsionariu Ministeriu Finansa sira tenki hatene. Hanesan planeamentu, orsamentu, patrimoniu, gestaun patrimoniu, auditoria interna, oinsa hakerek relatoriu, kontabilidade no logistika.

Tamba area finansas 8 ne’e importante hatutan Helder, governu esforsu fo treinamentu no presaun hodi hadia kapasidade ofisiais bain-bain ba profesionais iha jestaun finsas públiku. Maibe atu profesionais tenki fo kapasitasaun.

Katak Helder, daun-daun ne’e governu elabora hela dekretu lei para valoriza profesionais sira ne’e ho insentivu hodi bele atria servisu ho diak iha area gestaun financas publika.

“Ita hakarak ema sira ne’ebe kumpriende area jestaun finansa públiku maka servisu iha area fundamentais 7 ne’e para orsamentu, pagamentu no gestaun finansas públika ne’e sei halo ho sistema fiscal,” tenik Helder.(Reportajem Jose Samuel)

Leave a Reply

Your email address will not be published. Required fields are marked *