Militantes PUDD Vota Tuir Konsiensia

MEDIAONETIMOR-Relasiona ho eleisaun Presidensial Periodu 2017-2022, Partido Unidade Desenvolvimentu Demokratika (PUDD) deside hodi apela ba kuadrus militante no simpatizante sira iha munisipiu no rejiaun espesial Oe-cussi atu Vota ho konsiensia rasik.

“Kuandu militantes no simpatizante balun maka partisipa iha atividade kampanya kandidatu presidente ruma, ne’e hanesan individu ne’ebe exerse sira nia Direitu Konstitusional. PUDD la fo apoiu ba ema ruma. Ba militante sira, hili tuir imi nia hanoin.”

Haktuir Secretariu Geral Interinu PUDD, João Dias ba jornalista iha sira nia sekretariadu foin lalais ne’e. Maske antis ne’e PUDD deklara hodi fo apoiu ba kandidatura numeru 8, Dr. Antonio da Conceicão alias Kalohan maibe ne’e laos obrigatoriu.

Aliemde ne’e hateten João, estatu interna PUDD nian mós fo dalan waihira laiha kandidatu maka militante sira iha munisipiu hili ema ne’ebe mak tuir sira nia hakarak. Iha kampanya balun iha artributu partidu nian ne’e militante sira nia direitu.

“Hili ba ita nia Prezidente RDTL periodu 2017- 2022 tuir imi nia konsiensia. Tamba estatutu PUDD nian fo ona dalan. Karik iha segundu ronde, hamutuk ita hare nia progresu. Hotu-hotu hein. Demokrasia iha povu nia liman nu’udar mayoria votantes,” haktuir João.(reportajem Deonisio da Cruz)

Leave a Reply

Your email address will not be published. Required fields are marked *