STAE Fahe Buletim Votus

MEDIAONETIMOR– Hamutuk bulletin de votus tuir leitores maizu menus 731.000 tenki lori ona loron hát antes eleisaun Prezidensial RDTL iha tinan 2017 ba munsipiu, rejiaun Oe-Cusse no estranjeiru sira.

“Haruka loron hát antes para iha tempu hodi hare makina verifika ba balun servisu foer no balun nakles sei bele halo subtuisaun. No antisipa mos eleitores balun ne’ebe halo failansu bainhira atu hili no fiskais sira,” haktuir Diretor STAE, Acilino.

Aliemde ne’e hatutan Acilino, transporte iha Timor laran maka sei terestre. Estrada balun nia kondisaun la diak. Ne’e sei fo impaktu ba nesesidade urjente bainhira akontese failansu ruma iha munisipiu sira.

Katak Acilino antisipa ne’e maka antis loron 19 Fulan Marsu sasan to’o ona iha sentru de votasaun. Loron 20 Marsu uza votasaun.Ho servisu hamutuk ne’ebe diak iha loron 20 Marsu 2017 eleisaun hala’o ona.

Dehan Acilino, ba Timor-oan ne’ebe hela iha estranjeiru haruka tuir aviaun. Tuir lei STAE fo asistensia no akonpanhamentu. Material sira sei lori hosi reprezentante no funsionariu diplomata sira ne’ebe mak hetan nomiasaun husi Ministerio Negosio Estranzeiro no Kooperasaun (MNEC).

“Ohin ita halo serimonia fahe material sensitivu eleisaun Prezidensial tinan 2017 nian. Presidente CNE seiakompanya tekniku STAE lori buletin votus ba Oe-Cuse. Munsipiu sira seluk hafoin halo termu intrega, Director STAE municipal hetan akompanhamentu husi komandu PNTL maka sei lori ba,” haktuir Acilino.(reportajem Matias Ximenes)

Leave a Reply

Your email address will not be published. Required fields are marked *