Parabéns Xanana, Bemvindu Prezidente Lu-Olo

MEDIAONETIMOR-Hafoin dala rua tuir-tuir malu iha Francisco Guterres Lu-Olo nia kandidata a’an ba Prezidente Republika; iha tinan 2007 iha momenta ne’eba Xanana fo apoiu ba Ramos Horta. Iha Eleisaun tinan 2012 Xanana fo apoiu tomak ba Taur Matan Ruak hodi la konsege hakat ba Palasiu Prezidente.

Hosi eleisaun dala rua ne’e, iha eleisaun Prezidensial tinan 2007 Lu-Olo lakon hosi Jose Ramos Horta ho Xanan Gusmao iha segunda volta ho total votus 30,67%, iha tinan 2012 Lu-Olo lakontan dala ida hosi Taur Matan Ruak ho Xanana Gusmao ho total votus iha deit 28,76%.

Maibe iha periodu tinan 2017 ne’e Xanana nakfila a’an hodi fo apoiu ba kandidatura numeru 2, Fracisco Guterres-Lu-Olo. No ikus mai hetan rezultadu mutlak. Manan mayoria ho diferente provizoria 68,26 kompara ho Antonio Conceicao konsege halibur deit 29%.

Kay Rala Xanana hafoin remata vota iha sentru votasaun Balibar, Segunda, (20/03/2017). (Foto MOT/Joao da Costa)

Nune’e iha kualker eleisaun Prezidensial hotu-hotu tenki rekunyese katak Xanana maka sai ponte determinasaun ba eleisaun Prezidensial. Xanana kuandu fo apoiu maka ikus mai, kandidatura ne’e sei manan. “Lu-Olo nia manan Xanana nia suseisu,” hateten Tome Tilman iha nia situs sosiais Facebook nian.

Bemvindu Prezidente Lu-Olo

Bemvindu Prezidente RDTL ba periodu tinan 2017 no to’o tinan 2022. Espera bele lori inspirasaun povu no jornalista sira nia futuru sai diak liutan. Tuir promesa ne’ebe hateten tiha ona katak sei hare povu hosi aspektu hotu-hotu.

Tuir observador Sefi Misaun Observador European nu’udar mos member of the European Parlamentar, Izaskun Bilboa ne’ebe mai iha Timor-Leste desde 3 Fevereiru 2017 ne’e ba jornalista hateten, eleisaun prezidensial tinan 2017 lao diak. Sentru votasaun loke duni tuir oras.

Sefi Misaun observador, Izaskun Bilbao. (Foto MOT/Suzana Crdoso)

Nia hatutan, prosedimentu sira kumpri material sira ne’ebe sufisiente. Katak, eleisaun ne’e ho suseisu maka povu Timor haksolok tanba bele organiza eleisaun ida pasifika. Eleisaun ida ne’ebe lao ho diak. Laiha insidente no laiha problema.

Hatan konaba lista adisional ne’ebe balun laiha naran katak Izaskun, sira seidauk rona kazu hanesan ne’e. Maibe observador misaun European nia ekipa sei observa nafatin kazu hanesan ne’e.

“Ami koko identifia karik iha buat ruma depois sei kompila didiak tiha observasaun sira ne’e depois hato’o rezultadu kah konkluzaun sira ne’e iha Kuarta agora ne’e iha Hotel Timor 10:30 hanesan ne’e,” sujere Izaskun.

Iha parte seluk tuir Sefi Suku Balibar, Administrativu Cris-rei, Afonso Pereira hateten situasaun eleisaun iha Suku Balibar lao kontroladu hanesan komunidade balun ne’ebe hela iha Aldeia lakoto, Tanqae.

Nia hateten, balun hela iha Aldeia tanqae sira mai prepara atu mai ba iha sentru vatasaun hodi tuir eleisaun geral prezedensial 2017 atu hili ita nia nai ulun. Tuir sefi iha ne’e mos iha seguransa policia mantein nafatin hodi tau siguransa ba votasaun. Ho Alende ida ne’e sefi Suku Afonso hateten, husi Suku Balibar iha Aldeia; Lakoto, Loriko, Tanqae no Aldeia Fatuloda. Ho komunidade hamutuk nain 5.450.

“Sidadaun ida maka Maun Boot Xanana Gusmao. Ohin nia mai tiha labele tuir vota tanba kartaun eleitoral tuan. Entaum fila –fali ba uma foti kartaun tiha maka mai hodi forma iha linya maka tama mai tuir votasaun,” esplika sefi suku Afonso. (Suzana Cardoso/Joao da Costa)

Leave a Reply

Your email address will not be published. Required fields are marked *