Empresas Ki’ik No Mediu Hetan Treinamentu

MEDIAONETIMOR-Atu hetan koñesementu ne’ebe diak hodi ba hala’o negosiu ho susesu maka empresas ki’ik no mediu sira hetan treinamentu konaba literasia finanseira (Money Minded Business Basics).

“Formasaun ne’e para fo apoiu kapasitasaun ba ita nia negosiante sira. Ita nia ema sira ne’ebe hala’o atividade negosiu ki’ik no mediu. Nune’e, sira bele hetan osan para kontribui dezenvolvementu iha ita nia rain Timor-Leste.”

Lia fuan ne’e haktuir hosi Ministru Estadu Koordenador ba Asuntu Ekonomia (MECAE), Eng. Estanislau Aleixo da Silva iha lansamentu   Abertura Treinamentu Literasia Finanseira “Money Minded Business Basics” ba Empresas Ki’ik no Mediu iha Kapital Munisipiu Ermera, Gleno foin lalais ne’e.

Programa ne’ebe hetan apoiu hosi Embaixador Australia no koperasaun ho ANZ ne’e hetan partisipa hosi reprezentante Embaixador Australia, Shariful Islam, Diretur ANZ, Andrew Young, Instituto de Apoio Dezenvolvimentu Empresarial (IADE) no reprezentante CCI-TL, Nuno Trindade.

Ba partisipante MECAE Estanislau esplika liutan, empresas ki’ik no mediu sira nia negosiu iha futuru kuandu hetan osan barak ona maka sira mos bele fo serbisu ba ema seluk.

Hatutan MECAE Estanislau, durante treinu sei fo hatene konaba halo jestaun para bele hetan asesu ba kreditu hosi banku ANZ bazeia ba proposta diak hosi empresas ki’ik no mediu sira nian.

Halo ona kreditu katak MECAE Estanislau, empresas sira tenki selu fali. Entaun tenki halo negosiu ne’e ho diak liu hosi fo koñesementu no kapasitasaun ho apoiu tekniku hosi IADE.(Públiku Protokolu MECAE/Manuel Soriano)

 

Leave a Reply

Your email address will not be published. Required fields are marked *