Deputadu Preokupa Aimoruk HNGV Hotu

MEDIAONETIMOR-Reprezentante povu iha uma fukun Parlamentu Nasional (PN) husu ba Ministeriu Saude (MS) para tahu atensaun ba Hospital Nasional Guido Valadares (HNGV) ne’ebé falta aimoruk no makina fase ran nian ne’ebé a’at hotu ona.

“Ita admira tebes bainhira medikus ne’ebé halo operasaun iha sala de operasaun maka deklara katak ai-moruk iha HNGV laiha. Ne’e preokupasaun bo’ot. Ita sempre hasoru problema menus aimoruk. Husu ba Sekretariadu Estadu Asunto Parlamentares pata atu hare buat hirak ne’e,” dehan Deputadu hosi Bankada Fretilin, Iladio Faculto iha plenaria PN, Tersa, (28/03/2017).

Nia hateten, medikus sira ne’ebé halo operasaun iha sala operasaun maka deklara katak aimoruk antibiotic laiha. Material fase ra’an ba ema sira ne’ebe sofre rins a’at hotu. Aimoruk atu sona hodi ajuda moras rins mos kleur ona laiha.

Nune’e Deputadu Iladio husu ba Ministeriu Saude atu tenke tau atensaun. Rezolve lalais ai-moruk ba iha HNGV no mos ba ekipamentos hirak ne’ebe mak at ona para nune’e atendementu ba ema nia moras lao normal hikas fila fali.

Iha momentu ne’eba Deputadu Iladio mós kestiona konaba personalidade deputadu sira nian ne’ebe hatama hotu media sosiais hodi hateten a’at. Ho nune’e Deputadu Iladio husu ba Sekretariadu Estadu PN hodi tahu atensaun ba kestaun ne’e.

Deskriminaza Luta Nain Nia Oan

Iha parte seluk Iladio Faculto mós kestiona Ministeriu Saude ne’ebe fo bolsu estudu ba Timor-oan sira ne’ebe uluk sira nia inan-aman lakohi atu Timor-Leste ukun a’an. Maibe oan hosi sira ne’ebe luta ba ukun a’an lahetan.

Katak Deputadu Iladio, MS halo diskriminasaun bo’ot. Bolseira ida ho Naran Dezis Julia Partama Kiwi ne’ebe oan husi Norberta Belo, Norberta nia laen rasik mak tiru Mauhunu Ramkadala.

“Ohin loron nia oan prevelileiju hodi hetan bolsa estudo ba eskola Australia husi Ministerio Saude nia oan. Nia fila fali mai nia rasik la kumpri programa ne’ebe mak estabelese husi ministeriu para atu bele ba ejerse nia servisu iha fatin,” katak Deputadu Iladio.(Jornalista Estajiariu Aderito Ximenes)

Leave a Reply

Your email address will not be published. Required fields are marked *