Primeira Dama Visita EHT, Matenek Transforma Familia

MEDIAONETIMOR– Edukasaun save desenvolvimentu. Nune’e kuandu iha oan ida hosi familia ruma maka matenek sei transforma familia ne’e hosi ne’ebe laiha buat ida ba familia ne’ebé iha. Husi familia ne’ebe kiak ba familia ne’ebe riku.

“Iha familia ida waihira nia oan ida matenek, familia ne’e nia moris sei muda. Tanba oan nia kapasidade matenek bele transforma familia ida husi kiak ba familia ne’ebe iha,” hateten Premeira Dama, Isabel Ferreira wainhira hala’o nia vizita ba Eskola Sekundaria Hospitalidade Turismu (EHT) Becora, Cristu Rei, (31/03/2017).

Nia hateten, vizita ne’e nu’udar parte ida hosi programa ne’ebe nia lori. Hanesan; edukasaun, saude, justisa no edukasaun Civika hodi hateten, “Desenvolvimentu edukasaun iha nasaun ida ne’e atu lao diak depende ba investimentu iha edukasaun.”

Isabel afirma tan, edukasaun importante atu forma sai ema ne’ebe diak hodi halo buat ruma ba nia a’an, familia, sociedade no ba nia nasaun. Tanba ida ne’e sai hanesan meta ba edukasaun. Eskola setor privadu importante tebes Ita labebe depende deit ba mina. Tamba mina loron ida sei lakon maibe turismu sei lalakon.

Nune’e maka Isabel rekomenda ba estudante sira katak Timor-Leste agora dau-daun ne’e hasoru dezafiu bo’ot hanesan; droga, Prostituisaun no moras HIVS nebe tama mai rai. Tanba ne’e joven sira tenki kuidadu a’an nafatin.

Tuir observasaun Media ONE Timor katak iha Primeira Dama, Isabel nia vizitasaun ne’e asisti husi Direitor EHT, Charles Fatima Guterres, Adjuntu EHT Cornelio, Super Intendeti Munisipiu Dili Virgilio ho nia kometiva.(Estájiariu Tomas Guterres)

 

 

Leave a Reply

Your email address will not be published. Required fields are marked *