Estudante TL Halo Ezame Dahuluk

MEDIAONETIMOR-Tuir kalendariu Ministeriu Edukasaun (ME) nian maka estudante iha Ensino Basico 10 20 Ciclo to’o Secundario hala’o ezame trimestral dahuluk ba tinan 2017 nian iha teritoriu Timor-Leste.

“Ami lao tuir kalendariu Ministerio Edukasaun (ME) ne’ebe fo sai ona. Aliende valor ezame trimestral ne’e, professor sira rekolha notas iha avaliasaun ritual hanorin loron-loron nian. hanesan; trabalhu grupou, halo exersisi diariun o Trabalho Para Casa (TPC).”

Lia hirak ne’e haktuir hosi Koordenador Ensino Basico 10 20 Ciclo, Clementino Clau ba Media One Timor iha nia servisu fatin foin lalais ne’e. Nia hateten, hosi notas loron-loron nian sei divider hamutuk para hetan valor media depois hakerek iha kaderneta.

Haktuir Clementino, estudante moras professor sira nafatin fo toleransia ba alunus sira atu sira bele tuir ezame tuir mai (Susulan-Red). Sira nia saude rekopera fila fali, profesores sira hein alunus ne’e hodi mai tuir ezame.

Iha parte seluk tuir observasaun Media ONE Timor iha Eskola Ensino Baziku 10 20 Ciclo Fatumeta nota katak estudante hala’o ezame iha slensiu nia laran. Estudante tahu konstrasaun masimu.

Maibe bainhira MOT hakbesik atu intervista ho Koordenador Eskola ne’e nia hateten, “tanba lakunyese ita bo’ot sira no seidauk hare imi nia rezultadu jornal maka sei la fo intervista arbiru ba imi.

Aliende ne’e tuir observasaun iha Eskola Ensino Baziku 10 20 Ciclo Manleuana alunus tama no fila tuir oras ne’ebe determina. Matan fihir ba iha eskola ne’e hateke hetan; moru eskola koak. Alunus riska parede buradu. Mayoria plafon nakloke. Hafoin sura, eskola Manleuana ne’e maizu menus iha salaun hat.

Eskola Ensino Baziku 10 20 Ciclo iha Tuana-laran numeru 15 nia kondisaun diak. Maibe moru laiha. Alunus sira tur iha fatin diak. Iha meja-kadeira, livru iha biblioteka no alunus sira ezame ho diak.

Antis remata observasaun, iha vizita ba Eskola Ensino Baziku 10 20 Ciclo Públiku Vila verde alunus remata ona sira nia ezame. No kondisaun eskola diak no mós. Foer la soe arbiru iha eskola. Durante observasaun ne’e nein hare observasaun direta hosi Ministeriu Edukasaun ba eskola-eskola.

Mayoria órariu ezame hanesan. Segunda, (03/04/2017) disiplina Matemátika no arte e cultura. Tersa, (04/04/2017) Literasia Portugues no religião, Quarta, (05/04/2017) Ciencia Sosiais no Literasia Tetum. Kinta, (06/04/2017) Ciencia Naturais no Saude Higiene. Sesta, (07/04/2017) Educação Fisica no Inglés no Sabadu, (08/04/2017) Prática Edukasaun Física.( (Estajiaru Deonisio da Cruz)

 

Leave a Reply

Your email address will not be published. Required fields are marked *