Deskonfia Tara Mortel Lulik, Marcelino Tara Án

MEDIAONETIMOR-Deskonfia tara halimar mortel ne’ebé halulik hosi vez avo sira iha tempu uluk uza hodi hatúr hamutuk hó bua-malus, oho animal no hahan ruma hodi halo ofertas (sesajen-Indonezia) maka babeur Caetano Marcelo Martins liu hosi tara án.

Tuir Matebian Marcelino nia subrinya, Adelai de Jesus Ximenes Gosmão ba Media ONE Timor iha fatin akontesementu nu’udar hela fatin Aldeia Vale de Lahane, Suku Lahane, Postu Administrativu Nain Feto, Munisipiu Dili katak mortel ne’e foin tara durante óras 24 nia laran sura to’o óras nia mate.

Matebian Caetano Marcelo Martins nia Subrinha, Adelai de Jesus Ximenes Gosmão intervista ho MOT. (Foto MOT/José Samuel)

“Durante mortel iha nia kakorok, hare familia la gosta. Tama-sai uma laran, oin naburut hela deit. Desde tara mortel fuma sigura hosi kalan to’o dader,” dehan Adelai hodi hasara Matebian Caetano nia amasa katak, “Loron ida ba loron ida hau sei mate.”

Hatutan Adelai, mortel ne’e tara subar-subar hosi familia uma laran ho jaket dada korente sae tó kakorok. To’o iha Loron, Segunda (10/04) maizu menus iha tuku 10:15 OTL alin feto rona iha uma laran tarutu.

“Alin feto ne’e hafuhu hosi pipu nia koak, Marcelino tebe a’an ho ran sai hosi ibun no tilun. Nia halai bolu Marcelino nia tiun ho sira seluk halai ba fó salvasaun. Tamba sei tebe a’an maka hatún lalais hó kare tali ne’e para bele salva nia vida. Maibé lakonsege. Marcelino hakotu duni ís. Nia mate,” esplika Adelai.

Uma Ne’ebé Matebian Caetano Marcelo Martins nia hela fatin uza hodi subra a’an para tara a’an. PNTL loke hodi tama ba hasai nia mate isin. (Foto MOT/José Samuel)

Nia hatutan, antis ne’e familia bandu tiha ona para labele tara sasan lulik ne’e. Tamba, antes ne’e nia tara, nia atu oho a’an ona. Maibé familia hetan antis maka konsege salva. Iha Semana kotuk Matebian Marcelino koko oho a’an hó hemu benenu laho. Familia kaer toman, lalais koa derok kahor ho masin midar fó hemu, nia diak fali.

Liu tiha akontesementu ne’e konta Adelia, Matebian Marcelino lori tali sae ba transmissor (pemancar-Indonezia) Telcomsel atu tara a’an. Maibe joven sira hare, fó konsola. Familia siak. Matebian Marcelino tún fali mai rai hó didiak deit.

Maibé iha da-toluk ne’e tenik Adelia, familia hotu-hotu lahetan. Nia tama ba uma bebak oan ida ne’e. Sulan mesak-mesak iha laran. To’o hetan sei tebe a’an. Familia fó salvasaun hó hatun lalaís hosi nia tara a’an. Mais lakonsege salva. Tó nia hakotu ís.

“Ami familia lakohi atu autopsia. Tamba ne’e laos ema ruma maka hanoin a’at ba nia. Nia mate familia hotu-hotu hatene ona. Halo autopsia mós hanesan deit. Nia sei la moris fila fali. Husik deit ona ba. Ami familia simu hó liman rua ba maluk Marcelino nia mate,” husu matebian nia subrinya Adelia ne’e.(estajiariu José Samuel/Deonisio da Cruz)

Leave a Reply

Your email address will not be published. Required fields are marked *