Vaga Servisu-Parteira Baze Munisípiu Aileu (Pozisaun-1)

Marie Stopes Timor-Leste (MSTL)

Anúnsiu Vaga – Parteira Baze Munisípiu Aileu (Pozisaun-1)

5 Maiu 2017

Marie Stopes Timor-Leste (MSTL), nudar membru ida husi Marie Stopes International ba parseria global ne’ebe nudar organizasaun non-profit, espesializadu hodi suporta no hato’o atendimentu saúde seksual reproduktiva (SSR) no planeamentu familiar (PF) ho kualidade aás. Ami servisu ona ihaTimor-Leste desde tinan 2007 hodi suporta Ministériu da Saúde (MdS) hodi implementa estratéjia saúde reproduktiva nasional hodi atinji meta nasional ba saúde maternal iha Timor-Leste. Ami nia matadalan prinsipal maka atu suporta MdS hodi hato’o atendimentu saúde reproduktiva oi-oin ho kualidade aás; asegura kualidade klinikal ne’ebé diak liu; no suporta hato’o atendimentu ne’ebé fokus ba kliente no promove eskolha/hili.

MSTL agora daudaun buka hela Parteira baze iha Munisípiu Aileu nain-ida (1). Nudar membru husi ekipa programa nian, Parteira sira sei hela iha munisípiu no responsável hodi fornese atendimentu klinikal no akonselamentu ba kliente sira. Kna’ar hirak ne’e inklui fornese atendimentu ba kliente sira iha munisípiu ne’ebe parteira refere hakna’ar ba. Parteira mos sei suporta parteira CHC nian sira hodi hato’o atendimentu no dezenvolve sira nia skil sira alinha ho padraun klinikal MSTL nian. Kna’ar ida ne’e responsável hodi asegura katak programa edukasional ba saude reproduktiva nian komplementa atendimentu klinikal ne’ebe fornese husi MSTL.

Rekerimentu ba pozisaun

Qualifikasaun;

  • Diploma 1 iha eskola Parteira nian
  • Sertifikadu Kompetensia ba Planeamentu familiar nian husi MdS, inklui abilidade hodi fornese akonselamentu no atendimentu Implant no IUD no metodu kontrasepsaun modernu nian hotu.
  • Iha Kartaun Profesional Saúde válidu husi Ministériu Saúde
  • Iha karta kondusaun Motor nian (prefere liu tan)

Experiensia;

  • Iha experensia servisu minimu tinan 3 iha area relevante
  • Iha experensia hodi maneja relasaun no parseiru sira

Skills/Abilidade sira;

  • Iha abilidade hodi fornese atendimentu ba metodu kontrasepsaun modernu nian inklui Implant no IUD
  • Iha abilidade atu diskuti topiku sensitivu ho kliente sira iha maneira ida ne’ebe ho kuidadu no konfidensial
  • Iha abilidade atu servisu la ho supervisaun
  • Iha ablidade atu prioritiza no maneja servisu
  • Abilidade atu uza programa komputador komun nian sira (Ms Word, Excel, Outlook)
  • Abilidade atu sai flexível no suporta nesesidadee ekipa nian karik presija

Atitude;

  • Iha respeitu no komitmentu ba direitu individual nian hodi kontrola sira nia fertilidade rasik
  • Hatudu komitmentu pesoal hodi kontinua dezenvolvimentu profisional
  • Fokus ba kliente
  • Inovativu
  • Bele adapta an no flexível
  • Bele servisu iha situasaun ne’ebe stress

Ba kandidatu sira ne’ebe interesadu ba vaga refere tenke hatama sira nia karta aplikasaun ne’ebe se la liu husi pajina ida no deskreve sira nia skill relevante sira. Kandidatu sira inklui CV atuál, kartaun profesionál parteira nian no naran ema referensia nain tolu nian ho sira nia númeru kontaktu.

Karta aplikasaun hotu-hotu tenke haruka ba Agueda Miranda, Kordenador Rekursu Umanu, MSTL, Rua Belarmino Lobo, Bidau-Lecidere, ka liu husi email ba miranda@mariestopes.tl

Aplikante sira bele husu detailu kona-ba deskrisaun servisu nian liu husi email ba endresu ne’ebe mensiona iha leten.

Tempu prazu hodi hatama aplikasaun hotu ba MSTL mak data 12 Maiu 2017. Sei kontaktu deit ba aplikante sira ne’ebe tama ba shortlist.

This Email from Marie Stopes International and any attachments may contain information which is privileged or confidential. It is meant only for the individual(s) or entity named above. If you are not the intended recipient(s) of this Email or any part of it please notify the sender immediately on receipt and delete it from your system. Any opinion or other information in this email or its attachments that does not relate to the business of Marie Stopes International is personal to the sender and is not given or endorsed by Marie Stopes International.(MEDIAONETIMOR)

Leave a Reply

Your email address will not be published. Required fields are marked *