Fuso Soke Kareta Pe. Agostinho Nian

MEDIAONETIMOR-Kareta Pick Up hó numeru 18-652 TLS ne’ebe nia kondutor maka Padre (Pe.) Agostinho de Jesus Soares,SDB hetan soke husi kareta bo’ot Fuso F16 INTERCOOLER iha rotunda Comoro, Statua Prezidente Nicolau Lobato nia sorin, maizu menus tuku 17:35 OTL, Kuarta, (31/05/2017).

Tuir observasaun Media ONE Timor iha fatin akontesementu nota katak, kareta fuso ho Pe. Agostinho nia kareta husi liña ida deit. Mai to’o iha kurva atu ba Igreja Maria Auxiliadora, Comoro derepente fuso rabat ba Pe. Agostinho nia kareta.

“Tanba kareta fuso hó Pe. Agostinho nia kareta hadau malu dalan maka to’o kurva kondutor kareta fuso hakfodak hó kareta Pe. Agostinho nian iha oin maka lakonsege trava. Sama anin mós tarde ona. Entaum soke deit ona kareta iha oin,” hasara Jornalista Media ONE Timor hosi kondutor ne’ebé koalia hó sira ne’ebé hamrik hodi hare akontesementu ne’e.

Rezultadu husi soke malu ne’e resulta Pe. Agostinho nia kareta odamatan segundu liman karuk nian kabetak tama laran. No kareta fuso tanba a’as lo’os, maka laiha buat ruma ne’ebé a’at. Iha akontesementu ne’e laiha ema maka kanek.

“Ami rua la sala. Kareta maka sala,” komenta Amo Agostinho ne’ebe fihir hela kareta rua ne’ebe soke malu ne’e. Tanba soke malu iha lorokraik, óras sai eskola no sai servisu nian halo engravamentu. Polisia sira iha postu besik ne’e laliga. Sorte polisia nain rua liu iha fatin akontesementu maka tu’un hodi manda kareta para lao normal fila-fali.

Maske soke malu liu ona besik óras ida nia laran, maibe Polisia Nasional Timor-Leste (PNTL) parte tranzito seidauk to’o maka kareta rua ida-idak lakohi muda ba ninin. Husik hela hanesan hahú soke malu hodi hein Polisia Tranzitu.(Estájiariu Hilario da Silva)

Leave a Reply

Your email address will not be published. Required fields are marked *