Institutu Kristal Halo Asaun Solidaridade

MEDIAONETIMOR-Selebra festa Padroeira no Aniversariu Fundasaun Kristal ba dala 33, estudante no funsionariu Kristal hala’o aktividade vizita prizioneiru iha Komarka Becora, orfonatu no vizita Hospital Nasional Guido Valadares (HNGV) parte maternidade. Inan atu partus no bebé foin moris.

“Vizita ne’e atu hatudu domin ba ema seluk iha maternidade no Prizaun Becora. No oan kiak sira iha orfonatu balun. Aktividade ne’e nu’udar exemplu ba estudante Kristal para atu banati tuir iha futuru. Aktividade humanizmu.”

Director Exekutivu Fundasaun Kristal, Agostinho dos Santos Gonsalves

Lia fuan hirak ne’e hato’o husi Director Exekutivu Fundasaun Kristal, Agostinho dos Santos Gonsalves ba jornalista wainhira remata vizita slodaridade ne’e.

Fundasaun Kristal maka Kristu Nain Liu Rai ho nia Padroeira Nain Feto Auxiladora Dom Bosco. Fundasaun Kristal nia misaun hola parte iha edukasaun. Antis hala’o vizita, Fundasaun Kristal organiza tiha ona misa hodi halo oferta asaun grasa nian.

Agostinho esplika liutan, iha misa ne’e husu atu Maromak haraik graza ba futuru foin sa’e sira para hanoin estuda. No halakon tiha konflitu entre jovem iha rai doben Timor-Leste.

Relasiona hó vizita, katak Agostinho, Fundasaun Kristal laos deit maka edukasaun formal. Maibé formasaun humanizmu no moral ispiritual mós importante atu kuda hela ba estudante nu’udar futuru nasaun ne’e nian.

Hateten Agostinho, iha vizita ba prizaun Becora sira intrega bola, viola, biti no lensol. Vizita ne’e regular. Kada tinan vizita dala rua. Iha Fulan Juñu no Novembru. Aliende ne’e vizita mós orfonatu sira hodi intrega aihan balun. Iha HNGV oferese; lensol, lipa, sabaun no sasan seluk ne’ebé bebé hó nia inan presiza.

Tuir Estudante Institut Superior Cristal (ICS) Fakuldade Edukasaun, Guida da silva Castro katak, senti haksolok mai partilyia sentimentu kolaborasaun hodi fahe buat hirak ne’ebe iha, tuir kapasidade.

“Husu ba ajientes fundasaun sira seluk atu banati tuir saida maka instititu Kristal halo ona. La presiza hein aniversariu maka atu halo buat ruma. Atu oferese sasan ruma ba ita nia maluk sira. Maibé bele halo iha loron bain-bain,” sujere Guida.(Estájiariu Leonia/Dulce/Hilario/Joaninha)

 

Leave a Reply

Your email address will not be published. Required fields are marked *