Kampaiña PLP Suku Tibar, Juventude Ai Ri’in Ba Nasaun

MEDIAONETIMOR-Tanba juventude maka nain ba nasaun Timor-Leste (TL), nune’e juventude Partidu Libertasaun Popular (PLP) tenki sai ai ri’in ne’ebé metin hodi lori rai doben ne’e sai dezemvolvidu iha mundu internasionais.

“Uluk hau (Taur Matan Ruak-Red) sei iha ai-laran, organizasaun joventude hó nia naran oin-oin ne’ebé namkari iha Timor laran tomak kontribui hodi fó sira nia a’an ba apoiu luta ukun rasik a’an.”

Lia fuan hirak ne’e hato’o husi Prezidente PLP, Taur Matan Ruak iha nia kampaña eleisaun Parlamentar iha Suku Tibar, Liquisa iha loron, Sabadu, (01/07/2017).

Maibé hafoin TL nia ukun a’an hatutan Taur, kontribuisaun joventude ne’e la hetan rekuñese, latahu matan no joventude mós lahetan atensaun masimu. Joventude sira, estadu haluha tiha. Bolu joventude hó naran oin-oin ne’ebé lamerese atu eduka hó lia fuan hirak ne’e.

“Imi joventude maka juventude dezentralizasaun,” tenik Taur hodi hatutan, katak kuandu PLP lamanan iha eleisaun parlamentar mós PLP sei nafatin defende lia lós ba povu nia moris diak. Labele ukun a’an tiha povu sai penonton ba dezemvolvimentu.

Iha sorin seluk Kordinador PLP iha Suku Tibar, Juvinal promote ba estrutura PLP katak iha eleisaun 2017 PLP sei manan maioria iha ninia suku. PLP sei manan 100% hodi dezemvolve TL sai diak liutan.

Iha kampaña ne’e, Dr. Abilio Araujo afirma ba militante PLP katak presiza hadia diak liutan povu nia moris liu husi dedika a’an ba servisu no hakarak atu rona povu nia halerik hodi povu mós senti katak sira partisipa masimu iha ukun a’an ida ne’e. (Estájiariu Hilario Silva)

 

Leave a Reply

Your email address will not be published. Required fields are marked *