Tenki Hamós Tasi Husi Foer

MEDIAONETIMOR-Tasi ne’ebé pasazem furak hó rekursu natural iha lós Sidade Dili nia kurasaun tenki mós iha kualker tempu hodi atrai ema mai vizita.

“Maibé realidade foer nakonu. Ne’e kauza husi populasaun sira soe foer arbiru iha bairu-bairu maka udan be’en lalin mai to’o tasi baku fali mai nia ibun. Aliende ne’e, vizitante sira mai iha tasi ibun no sira ne’ebé uza Estrada públiku soe foer arbiru. Laiha disiplina halót halo didiak iha fatin lixu.”

MTM halo limpeza iha tasi ibun

Kestaun ne’e kestiona husi Koordenador Jeral Movimento Tasi Mós (MTM), Gally Soares Araújo bainhira hamós foer iha Tasi ibun Dolok-oan Kristo Réi hodi komemora tinan sira nia existensia hodi hamós foer iha tasi ibun.

Gally hateten, ferik-katuas, labarik-bo’ot, feto-mane, rai nain-estranjeiru. Ema hotu-hotu iha obrigasaun atu hamós tasi no kuida para hijiene públiku. Kuandu uma laran foer, rai liur mós foer. Ne’e reflesaun hodi hanoin hikas fila-fali komportamentu nu’udar ema iha sosiedade nia laran.

“Timor-Leste hó populasaun maioria joven no labarik presiza fó hanoin bei-beik hahu husi uma laran, fó hanoin bei-beik atu labele soe foer arbiru. Hotu-hotu tenki esforsu konta mós ho kompañia sira para labele soe foer arbiru,” sujere Gally.(Reportájem estájiaria Dulce/Leonia/ Sandra)

Leave a Reply

Your email address will not be published. Required fields are marked *