Ministeriu Saúde Organija Check-up Funsionariu

MEDIAONETIMOR-Selebra loron nasional saúde Timor-Leste (TL) nian, Ministeriu Saúde organiza aktividade obrigatoriu ba funsionariu sira iha kada ministeriu atu halo check-up iha Pastu Saúde Vera-ruz.

“Ita foin primeira vez iha tinan 2017 ne’e maka selebra loron nasional saude nian. Tanba ne’e maka ministeriu saude organiza aktividade ida ne’e ba funsionariu hotu-hotu kada ministeriu para mai halo check-up.”

Lia fuan hirak ne’e hato’o hosi Mediku Jeral, Sidonio João ba jornalista, hafoin remata halo Check-up funsionariu hosi Ministeriu Defeza iha Postu Saude Vera-Cruz, Tersa, (25/07). Aktividade check-up durante loron 3 ne’e remata hó check-up funsionariu iha Ministeriu Administrasaun Interior nian.

Selebrasaun loron Saude Nasional ne’e monu iha loron 10 Jullu 2017 liuba. Maibé, kestaun téknika muda fali nia loron selebrasaun ba iha Segunda, (24/07/2017.

Sidonio esplika, funsionariu sira ne’ebé maka mai halo check-up maioria hetan moras; tensaun a’as, diabetes, problema ruin moras no moras matan. Nune’e haruka ona ba sentru 10 iha HNGV para halo estudu husu programasaun opera sira nia matan.

Responde falta aimoruk Sidonio hateten, sentru saude iha aimoruk para fó tuir pasiente idak-idak nia moras. Liu-liu aimoruk hodi atende nesesidade alterasaun primaria saude. Maibé, tanba moras barak maka aimoruk fó hotu lalais.

“Aimoruk sira ne’ebé maka hotu ka la desponivel, sempre konversa ho pasiente hetan konkordansia, familia pasiente ba sosa aimoruk spesifiku balun iha liur. Exemplu, saude pesoal sira dehan aimoruk ne’e hotu ona. Imi hein, selae passa reseita ba sosa liur. Pesoal saude sempre esplika uluk. Laos dehan tenki ba sosa iha liur. Pesoal nunka atu dehan tenki,” tenik Sidonio.(Reportájem Jose Samuel)

Leave a Reply

Your email address will not be published. Required fields are marked *