Járdim Saudozu Nino Konis Santana Sei Inagura 10 Agostu

MEDIAONETIMOR-Tanba altera dala tolu ona maka inagurasaun Jardim Monumentu Saudozu Nino Konis Santana prepara ona atu hetan inagurasaun iha loron 10 Fulan Agostu Tinan 2017.

“Preparasaun ba halo jardim Saudozu Nino Konis Santana ne’e hahu kedas iha loron 11 Fulan Marsu Tinan 2017. No nia inagurasaun ne’e altera dala tolu ona. Maibé ba dala ha’at ne’e preparadu 90% ona.”

Haktuir komisaun organijadora Preparasaun inagurasaun ba monomentu Saudozu Nino Konis Santa, Ozorio Almeida ba Media One Timor, iha nia hela fatin, Munisipiu Lautém, Tersa, (08/08/2017).

Jardim Monumentu Saudozu Nino Konis Santana ne’ebé harí iha eskola Sekundaria Nino Konis Santana ne’e, Ozorio rekuñese durante preparasaun senti todan mak ba tenda no hahan.

Tanba esplika Ozorio, estimasaun ba konsumu besik nain 1.256 hodi aloka ba estudante, konvidadus lokal no nasional. Maske, ikus mai rejolvidu hó hotu-hotu nia kontribuisaun.

Seluktan maka konaba tenda. Desde planu inisiu tenda komisaun organizadora maka aranja mesak. Maibé hafoin halo komunikasaun, Ministeriu Edukasaun mak sei oferese.

Tuir Ozorio, komisaun organizadora hato’o ona konvite ba; eskola sira, autoridade Munisipal Lautem, konvidadus VIP hosi; Ministerio Planeamentu Investimentu Estrateziku, Kayrala Xanana Gusmão, Primeiru Ministru Atual, Rui Maria De Araújo, Ministro Edukasaun, Antonio da Conceição, Eis Primeiru Ministru Marí Bin Amude Alkatiri. No sira seluktan atu mai akompaña iha inagurasaun ne’e.

“Planu no programasaun ne’ebé maka sei hala’o katak Ozorio, amostra dansa tradisional, poema no kanta. Nomos animasaun iha tempu inagurasaun hó ekipa ida preparadu ona,” esklarese Ozorio.

Tuir observasaun Media One Timor, dau-dau ne’e halo ona preparasaun maximu husi komisaun organijadora hó jardim ne’ebé furak. Maibé, tuir planu lona foin maka hahu dada iha loron Tersa lorokraik. (Reportájem Aderito Ximenes)

Leave a Reply

Your email address will not be published. Required fields are marked *