La Transmite Apuramentu Nasional Elpar 2017, RTTL,EP Koilleta Protestu

MEDIAONETIMOR-Nu’udar entidade regulador estadu nian ne’ebé tau matan ba kna’ar mídia sira iha Timor-Leste (TL), Conselho da Imprensa (CI) lamenta hó transmisaun direta hosi Radio Televizaun Timor-Leste, Empreza Públiku (RTTL,EP) durante periodu eleisaun Parlamentar (Elpar) 2017.

“Públiku, liu-liu votante sira hein hela transmisaun direita husi RTTL,EP nu’udr mídia estadu nian konaba apuramentu nasional bainhira la’o hela iha salaun Komisaun Nasional Eleisaun (CNE) nian. Maibé, kuaze loron tolu prosesu ne’e lao, laiha transmisaun direta RTTL,EP.”

Lia fuan hirak ne’e hato’o hosi Prezidente CI, Virgilio Guterres iha konferensia imprensa iha Salaun CI, Tersa, (07/08/2017). Asiste iha konferensia imprensa ne’e, membru CI, José Ximenes, Quito Belo no funsionariu CI nian Alberico Junior.

Katak Virgilio, nu’udar mídia estadu nian RTTL,EP iha obrigasaun etika atu transmite diretamente rezultadu apuramentu nasional Elpar nian para povu akompaña rasik prosesu apuramentu nasional ne’e to’o rezultadu final.

Aliende ne’e husu mós ba RTTL,EP atu tenki divulga informasaun sira to’o formasaun governu foun para nune’e povu TL bele asiste konaba transparensia formasaun ne’e.

Aliende halo observasaun ba RTTL,EP, tuir Prezidente CI ne’e, maioria jornalista sira halo kobertura durante Elpar 2017 lao tuir profesionalizmu jornalista nian. Maske nune’e husu ba jornalista hotu-hotu atu nafatin kaer prinsipiu profesionalizmu nian durante hala’o sira nia kna’ar.

Iha parte seluk Prezidente RTTL,EP Milena Abrantes hateten,  observasaun hosi CI ne’e  nu’udar input ne’ebe maka diak ba RTTL, EP hodi hadia diak liutan divulgasaun informasaun ba públiku. Maibé, informasaun hirak ne’ebé divulga durante Elpar 2017 nian tuir ona kapasidade ne’ebé maka iha.

“Kona ba apuramentu nasional iha CNE, ami iha RTTL,EP atende hó kobertura loron-loron nian. Tantu liu hosi konferensia imprensa CNE nian nomos liu hosi akompaña diretamente prosesu apuramentu nasional nian,” tenik Milena.(Estájiadu João Bernardino)

Leave a Reply

Your email address will not be published. Required fields are marked *