PR Preokupa Bolseiru Timoroan Iha Cavo-Verde

MEDIAONETIMOR-Tanba timoroan ne’ebé hetan bolsu estudu hodi bá eskola iha Cavo-Verde hetan atake husi grupu bandidu sira, nune’e sai prekupasaun ba Presidente Repúblika (PR), Francisco Guterres Lú Olo.

Primeiru Ministru (PM), Rui Maria de Araújo hafoin remata enkontru hó PR Lú Olo iha Palasiu Prezidensial, Kinta, (10/08/2017) lia tu’un ba jornalista dehan, governu haruka ona ekipa konjunta hodi ba halo apuramentu.

Katak PM Rui, husi ekipa Ministeiru Edukasaun hó fundu desenvolvimentu kapital humanu ne’e ba halo apuramentu faktus nian detekna ona faktus lubuk bo’ot ida. Faktus ekipa konjunta nian ne’e sei hato’o relatoriu ba PR.

Aliende ne’e haklean PM Rui, dau-daun ne’e Ministerio Edukasaun servisu hamutuk hó Ministerio Negosiu Estranjeiru atu haruka asistente adidu ida ba iha Cavo-Verde para halo akompañamentu mais diretu ho Estudante Cavo-Verde.

“Akompañamentu mais diretu ne’e hodi rona desijaun konaba saida mak estudante halo no kontrau molok atu hetan bolsa estudu ba Cavo-Verde. Katak, wainhira lakonsege akaba etudu iha Cavo-Verde sira tenki fila mai TL,” tenik PM Rui.

Hateten Rui, bolseiru hirak ne’e atu transfere ba universidade seluk sira tenki to’o iha TL tuir fali konkursu para ba hetan bolsa iha fatin seluk. Ne’e mak mekanismu ne’ebe governu foti relasiona ho preokupasaun Pesidente Repúblika ba governu.

Parte seluk husi enkontru ne’e maka katak PM Rui, PR akresenta konaba nia vizita ba aprezenta TL iha Asembleia Nasões Unidas fulan Setembru nian laran. No koalia mós konaba selebrasaun loron Falintil iha 20 Agostu tinan ida ne’e nian.(Reportájem Deonisio da Cruz/Estájiada Dulce Ximenes)

Leave a Reply

Your email address will not be published. Required fields are marked *