Ukun hó Posizaun Kaduak Rua, PD Hein Segundu Dialogu

MEDIAONETIMOR-Tama ba loron datoluk iha dialogu prosesu formasaun VII governu nian, Partidu manan maioria simplis, FRETILIN halo hó Partidu Demokrátiku (PD) lahó rezultadu tanba sei iha segundu dialogu.

“Objetivu husi enkontru hó modalidade oi-oin atu forma VII Governu Konstituisional iha Tinan 2017. Sei iha segundu dialogu ho Partidu vensedor, Fretilin. Nune’e, ami nia sorumutu ohin hanesan abertura deit. Sei iha segundu dialogu.”

Lia fuan hirak ne’e hato’o hosi Prezidente PD, Mariano Assanami Sabino ba Jornalista hafoin remata dialogu ho Sekretáriu Jeral Partidu Fretilin, Marí Bin Amude Alkatiri iha Salaun Hotel Novo Turismo, Sesta, (11/08).

Assanami esplika liutan, ukun hó pozisaun kaduak rua ne’ebé mak mai hosi rejultadu eleisaun parlamentar 2017 nian sempre lahanesan. Husi kaduak rua ne’e ida-idak hó nia funsaun lahanesan.

Maibé katak Assanami, maske diferente ideia husi kaduak rua ne’e Inan deit. Mak Timor-Leste (TL). Ne’e maka prinsipiu PD nian. “Ne’ebé, hau hanoin ba futuru tenki dialogu aberta para aberta hanoin hodi kontribui ba estadu no nasaun ida ne’e,” dehan Asanami.

Iha fatin hanesan Sekretariu Jerál FRETILIN, Marí hateten, partidu lima ne’e sei konsetra nafatin iha Parlamentu Nasional (PN), ne’ebé atu lori estadu ne’e ba oin iha vontade hanesan hotu.

Tanba ne’e dalan atu ko’opera mak ami buka dalan ida diak liu para mantein mós indenpendensia partidu ida-idak nian. Maibé ho hanoin hanesan, hakarak lori estadu ne’e ba oin,” tenik Marí.

Iha parte seluk Prezidente Parlamentu Nasional (PN), Adérito Hugo da Costa hateten, tomada de pose ba deputadu sira iha lejislatura dahaat (period 2017 to’o 2022) sei hala’o loron 21 Agostu 2017 hahu ho primeira sesaun plenaria no enserramentu terseira lejislatura nian.

“Ami diskute para depois ko’ordena hó partidu lima ne’ebé asentu iha kuarta lejislatura nian atu komesa semana oin halo preparasaun tékniku. Parlamentu sei konvida bankada lima iha kuarta lejislatura nian  atu halo briefing antes dia 21 Agostu ba tomada posse nian,” katak Prezidente PN Hugo.

Hafoin tomada de posse sei iha bem vindu ba deputadu foun sira sei la’o durante loron haat hahú iha iha loron 4 to’o 8 Setembru 2017. Sekretariadu PN prepara hela programa iha inísiu semana dahuluk fulan Setembru nian depois tomada pose.(Reportájem José Samuel/Estájiada Dulce Ximenes)

Leave a Reply

Your email address will not be published. Required fields are marked *