UNE-TL Sei Partisipa Konferensia WSC

MEDIAONETIMOR-Nu’udar membru ba dala-165 hosi World Organization of Scout Movement (WOSM) ka movimentu eskotizmu mundial maka Uniaun Nasional Eskuteiros (UNE-TL) sei partisipa iha konferensia mundial eskuteirus ba dala-41 iha Baku, Azerbaijan.

“Konferensia Mundial Eskuteiros World Scout Conference (WSC) ne’e atu hili Board foun ba estrutura WOSM nian ba periodu tinan 5 oin mai. Aliende ne’e, sei atribui mós sertifikadu offisial member ship ba membru foun, inklui TL.”

Lia fuan hirak ne’e hateten husi Presidente UNE-TL, Idelta Maria Rodrigues ba jornalista sira iha salaun VIP Aeroportu Nicolau Lobato Dili, Sesta, (11/08). Nia hateten, konferensia mundial ne’e sei hala’o iha loron 14-19 Agostu 2017.

Nia esplika liutan, UNE-TL hetan ona kontaktu hosi nasaun sira iha kontenente Afrika, Amerika, Europa, Amerika Latina no mos Asia Pasifiku atu bele fo votus ba sira nia kandidatu ba estrutura board WOSM periodu 2017-2022.

“Antes konferensia WSC, sei iha uluk forum escuteirus mundial ba joventude (youth forum) ba dala-13, hahu loron 6-12 Agostus. UNE-TL sei delega Xefe konsello kamiñeirus Nasional, Octaviano das Neves Borges hodi partisipa direta. Maibé ba partisipasaun konferensia WSC ita delega nain 10,” katak Idelta.(Estajiáda Nofiana da Costa)

 

2 thoughts on “UNE-TL Sei Partisipa Konferensia WSC

  • 12/08/2017 at 19:25
    Permalink

    Korije deit katak Asia – Pasific laos kontinente.

    Reply
    • 12/08/2017 at 20:10
      Permalink

      Obrigadu ba kurijim, maibe MOT hakerek bazeia ba fontes nia lia fuan. Deskulpa ba failansu ne’e

      Reply

Leave a Reply

Your email address will not be published. Required fields are marked *