Xanana-Mari Foin Koalia Aberta, Insidensia PN Fretilin-CNRT Servisu Hamutuk

MEDIAONETIMOR-Hafoin hasoru malu dahuluk ne’ebé taka ba públiku iha Palasiu Presidente Nicolao Lobato iha semana liuba, ohin, Sesta, (18/08/2017) lideransa nain rua ne’ebé sai perkupasaun públiku tanba hases a’an ba-malu, foin maka koalia aberta ba públiku iha diskusaun parte daruak prosesu forma VII Governu Konstituisional, iha Ótel Novu Turizmu.

Hafoin remata hasoru malu entre estrutura Partidu CNRT ne’ebé lidera husi nia Prezidente, Kay Rala Xanana Gusmão no estrutura Partidu Fretilin ne’ebé lidera husi nia Sekretariu Jeral, Mari Bin Amude Alkatiri ba jonalista Xanana hateten, CNRT halo tiha ona konferensia nasional hodi desidi mantein sai oposisaun.

“Ami halo tiha ona konferensia nasional. Ida ne’e mak ami apresia tebes pensaun hosi Fretilin. Katak respeita ami nia desizaun ba ho opozisaun. Maibé ami mós dehan ba kestaun interese nasional, ami sei kontribui positiva ba konstrutiva metin liu,” dehan Xanana.

Nia esplika liutan, esperensia desde tinan 2013 mai to’o agora hatudu ona katak iha futuru asuntus governasaun no importante seluk antes lori mai deskute iha plenaria tenki buka harí kultura demokrasia entre partidu governante no partidu oposisaun.

Ba interese nasional Xanana hatutan, laos dehan hau sei ho opozisaun. Hotu-hotu diskuti didiak para bele hetan prosesu ida iha kbi’it no forsa diak liu tan

Xanana dehan, CNRT akompañia hela esforsu ne’ebé Sekretariu Jeral Fretilin, Mari ho nia membru CCF nian halo hodi kontaktu partidu sira seluk para hetan solusaun ba rai ida ne’e nian ba futuru.

Iha sikun seluk, Sekretariu Jeral Partidu Fretilin (Frenti Revolusionadu Timor-Leste Independente), Mari Bin Amude Alkatiri deklara, CNRT foti ona desizaun atu halo opozisaun konstrutiva.

Maibé tanba interese Estadu nian katak Mari, CNRT sei fó nia apoiu no kolaborasaun para atu kontribui ba estabilidade governasaun nasional. Fretilin respeita desizaun mais konferensia nasional.

“Maske nune’e, ami hanoin katak iha prinsipiu ida insidensia ba Parlamentu Nasional atu bele servisu hamutuk,” tenik Mari

Hatan konaba negosiasaun Fronteira Maritima, Mari hateten katak ekipa la-muda. Xefe ekipa mak Xanana. (Reportájem Jose Samuel)

Leave a Reply

Your email address will not be published. Required fields are marked *