Kestaun Mais Politika, Rejimentu Internal PN Mak Haré Deadline Harí Governu

MEDIAONETIMOR-Iha Tribunal Rekursu (TR) laiha regra konaba deadline ba formasaun governu no tomada de posse ba Parlamentu Nasional (PN) maibé rejimentu Parlamentu Nasionál (PN) nian maka haré ba kestaun ida ne’e.

“Laiha regra ruma iha eleisaun parlamentu ne’ebé mak estabelese katak tenke TR mak proklama partidu maoritaria tenke governu iha loron hanesan ne’e. Laiha. Ne’e parte iha rejimentu internál parlamentu nian mak haré.”

Lia fuan hirak ne’e hato’o husi Prezidente TR, Deolindo dos Santos ba jornalista hafoin hasoru malu ho Prezidente PN, Aderito Hugo da Costa hodi hato’o obrigadu ba kolaborasaun no apoiu tomak durante Eleisaun Parlamentu, iha uma fukun PN, Kuarta, (23/08/2017).

Prezidente TR, Deolindo esplika liutan, iha lei redasaun nian atributu natonsia ba orgaun eleitoral sira ho STAE, CNE no TR maka atende konaba; kazu verifikasaun lista kandidatura, haré no proklama rezultadu eleisaun parlamentar nian ne’ebé fo sai tiha ona iha loron 1 Fulan Agostu Tinan 2017.

Maibé katak Deolindo, laiha regra ida maka estabele iha Eleisaun Parlamentu katak TR maka desidi data ba partidu maioritaria tenke estabelese governu iha loron hanesan ne’e. Kona ba formasaun governu ne’e kabe kompetensia Prezidente Repúblika, PN maka haré hamutuk ho partidu ne’ebé mak hetan asentu parlamentu.

“Parte iha rejimentu internal parlamentu nian mak hare. Ida ne’e kestaun mais politika ne’ebé mak Presidente Republika, PN ho partidu sira ne’ebé mak hetan asentu parlamentar mak bele kolia ba ida ne’e,” dehan Deolindo hodi responde jornalista sira.

Katak Deolindo, mandatu ba membru parlamentu ne’ebé estende no tomada de pose iha loron 5 Fulan Setembru Tinan 2017, ne’e laos kestaun politika. Nune’e, TR labele apresia buat hira ne’e liu husi mídia komunikasaun. Maibé tribunal iha meius propriu apresia iha fatin.

Iha sorumutu hó Prezidente PN, Prezidente TR ne’e hateten, lori TR nia naran hato’o agradesimentu ho apoiu PN nian ba tribunal ne’ebé durante ne’e hala’o prosesu. Inklui, fó kona ba lei eleisaun.

Aliende ne’e katak Deolindo, agrdese mós PN ba atributu kompetensia TR hodi halo verifikasaun ba lista kandidatura lori to’o primeiru rezultadu Eleisaun parlamentu 2017 nian ne’ebe fo sai iha loron 1 Agosto 2017.

“Apoiu ikus liu husi PN mak eskalasau PN kona ba regime regmitoriu Ministeiru Públiku nian. Konta ba sira ne’e hotu, entaun antes mandatu PN ida ne’e nian remata, hau lori tribunal nia naran hato’o agradese ba PN,” tenik Prezidente TR, Deolindo. (Estajiada Dulce Ximenes/Nofiana da Costa)

Leave a Reply

Your email address will not be published. Required fields are marked *