Ransu Livre Sei Isin Rua Sedu

MEDIAONETIMOR– Husi ransu liu ona normais legais, igreja no liu ona normais kultura inan-aman nian ba to’o tama ona ba relasaun seksual maka nia konsikuensia feto isin rua sedu ho idade menoridade. Nune’e foin namora labele hakarak hetan oan lai.

“Hotu-hotu ransu tenki hó nia tempu. Ransu livre sei halo eskresaun domin ida ho livre demais to’o tama ba ambiente provoka feto ho mane hodi hala’o relasaun seksual. Nia konsikuensia mak feto isin rua, tenke iha ona oan iha idade minoridade.”

Lia fuan hirak ne’e hato’o hosi Diretor Ezekutivu, Manuel Marçal ba jornalista foin lalais ne’e relasiona ho ransu livre husi jovem iha Timor-Leste ne’ebé sai perkupasaun husi públiku iha jardim-jardim sira iha TL.

Manuel esplika liutan, maioria husi isin rua iha idade minoridade balun soe tiha oan. No balun seluk dala ruma lakonsege forma uma kain tanba mane soe hela feto ho oan ne’e. Akontesementu ne’e akontese mai hosi ransu livre.

Haktuir Manuel, envolve barak iha ransu livre maka estudante ne’ebé inan-aman hein hela sira aban bain-rua sei sai autor ba dezemvolvimentu iha Nasaun Timor-Leste. Maibé sira nia oan iha kotuk tau interese liu ba namora livre to’o haluha futuru.

“Koalia konaba ema, koalia mós futuru nasaun nian. Husi ransu livre ne’e, hau hanoin governu haré hanesan amiasa ba futuru nasaun nian. Tan ne’e mak governu kria hela komisaun hodi enveste osan para oinsa atu salva hahalok joventude nian ne’ebé atu estraga futuru nasaun ne’e nian,” katak Manuel.(Reportájem Jose Samuel)

Leave a Reply

Your email address will not be published. Required fields are marked *