Loron 10 Hafoin Juramentu PN Maka Anunsiu Formasaun VII Governu

MEDIAONETIMOR-Atu simu III Lejislatura iha Parlamentu Nasional (PN) liu husi sira nia Prestasaun juramentu nian, Tersa, (05/09/2017) maka halo ona lay out ba lista deputadu foun sira nia tu’ur fatin ba Partidu Politiku ne’ebé maka hetan asentu iha Parlamentu.

“Preparasaun téknika para simu deputadu foun nian ne’ebé maka sei hala’o sira nia mandatu husi tinan 2017 to’o 2022 maka prepara ona; lista deputadu sira nian, lay out kada partidu ida-idak nia tu’ur fatin no prepara mos projetu deliberasaun atu konstitui komisaun eventual verifikasaun poder.”

Liafuan hirak ne’e hatan husi Xefi Divizaun Apoiu Plenaria, Armando Machado ba Jornalista sira iha Uma Fukun PN, Segunda, (04/08/2017) konaba preparasaun juramentu ba Deputadu III lejislatura nian. Nia hateten, iha Prestasaun juramentu ne’e komisaun eventual sei halo verifikasaun ho prepara lista prejensa nian. Prepara mós buletin de votus se karik iha lorokraik akontese elaisaun ba meja PN.

Atu koloka Deputadu sira katak Armando, iha Lay out husi Bankada parlamentares sira mak deside tuir sira nian vijaun. Katak husi liman karuk ba lós. Nune’e, iha liman karuk Partidu PD mak tu’ur. Iha klaran Partidu CNRT, FRETELIN, ho KHUNTO. Ba liman lós mak partidu PLP.

Armando dehan, iha loron dahuluk III Lejislatura sira laiha konvidadus. Deputadu foun sira ne’ebé mak mai asumi mandatu husi tinan 2017 to’o 2022, maske balun tuan maibé sei re-eleitu fila fali maka mai iha uma fukun ne’e.

Tuir ajenda iha tuku 09:00 OTL ne’e sasaun plenaria ultima ba Deputadu sira husi III Lejislatura. Hafoin remata hó intervalu mak foin deputadu sira foun ne’e tama. Tantu Deputadu sira ne’ebé foin mak mai. No sira ne’ebé maka reileitu halo sira nia primeira reuniaun iha maizu menus tuku 10:30 OTL.

Esplika Armando, iha PN la-bolu dehan tomada de posse. Maibé bolu naran prestasaun de juramentu. Iha loron dahuluk nian ne’e Deputadu sira sei halo juramentu. Hafoin, mai tu’ur hotu iha sira nia fatin. Deputadu sira sei presta juramentu tuir Konstitusaun Repúblika haruka.

“Ne’e duni sira sei jura tuir saida mak hakerek iha konstituisaun. Juramentu ne’e Prezidente PN sesante maka sei orienta sesaun ne’e. Nia mak sei diriji sesaun plenaria iha aban, (Tersa, 05/09/2017) ninian,” tenik Armando.

Iha parte seluk hanesan públika tiha ona katak iha loron 15 Fulan Setembru tinan ne’e maka foin anunsiu VII membru governu konstituisional. Katak, loron 10 hafoin juramentu iha PN nian foin maka VII Governu Konstituisional ofisial forma.

“Iha loron 15 Setembru 2017, Prezidente Repúblika halo diskursu iha Parlamentu Nasional ba Primeria Sesaun. No iha tempu badak Primeru Ministru deziknadu sei hili nia membru sira hodi forma governu,” tenik Ramos Horta iha Palasiu Prezidensial.( Estajiada Dulce Ximenes)

Leave a Reply

Your email address will not be published. Required fields are marked *