Bem Vindo PM VII Governu Konstituisional Mari Alkatiri Kompleta Fretilin Nia Ukun

MEDIAONETIMOR-Hafoin halo negosiasaun durante besik fulan 2 nia laran no hetan konsultasaun husi personilidade balun maka Sekretariu Jeral Partidu Fretilin, Mari Bin Amude Alkatiri prontu sai Primieru Ministru (PM) ba VII Governu Konstituisional.

“Iha semana 4 kotuk mai to’o agora ne’e, ema barak laos partidu nian, sempre dehan katak tenki avansa, tenki avansa, tenki avansa. Hau sei tenta atu buka dalan seluk. Maibé, hodi kalan hanoin-hanoin. No ohin konsultatan personalidades balun e que hau desidi aseita ba kandidatura PM.”

Hateten Sekjer Partidu Fretilin, Mari Alkatiri ba jornalista hafoin remata enkontru iha Comite Central Fretilin (CCF) hodi desidi plataforma VII Governu Konstituisional, Tersa, (12/09/2017).

Mari Alkatiri esplika liutan, ema barak laos Fretilin no personalidade nian maka husu atu tenki avansa. Nune’e, maka konkorda atu kandidata a’an ba Primeiru Ministru. Tanba tuir konstituisaun artigu 106 Prezidente Repúblika maka sei hili PM hafoin hetan nomeasaun husi partidu vensedor eleisaun parlamentar.

Nune’e katak Mari Alkatiri, iha loron Kuarta, (13/09/2017) PR Lú Olo sei asina dokumentu ne’ebé prepara hotu ona hodi anunsiu konaba formasaun membru VII governu koligasaun.

“Ba lista naran Primieru Minsitru,   aban ba PR Lú Olo maka bela fó sai iha aban, Kuarta, (13/07/2017). Ne’e hau labele agora. Se’e lae aban imi (jornalista-Red) la bele ba iha ne’eba ona. Dokumentu prepara ona,” tenik Mari Alkatiri ho lian diplomasia.

Maibe dehan Mari Alkatiri katak, formasaun VII Governu Konstituisional bazeia ba prinsipiu tolu. Maibe laos infleksivel. Iha ema meritu ida hodi tahu nia iha leten. Sei laiha Vice Primeiru Ministru no Vice ministru sira. Maibé iha deit Primeiru Ministru no Ministru sira.

Ne’e signifika fahe pasta? “Ne’e laos fahe pasta. Ne’e proporsionalidade maka ida ne’e. Pursentu hira-pursentu hira. Kuandu kareta ki’ik, hatama ema barak maka kareta ne’e lalao. Se lao karik monu ema barak mate dala ida,” responde PM VII Governu Konstituisional ne’e.

Ho Mari Bin Amude Alkatiri sai Primieru Ministru maka kompleta ona Partidu Fretilin nia ukun, hahu hosi Prezidente Repúblika no Prezidente Parlamentu Nasional durante mandate 2017 to’o 2022. Parabéns Fretilin.(Suzana Cardoso)

Leave a Reply

Your email address will not be published. Required fields are marked *