PM Marí: “Orsamentu Atu Passa Iha PN Tenki Deskute Uluk”

MEDIAONETIMOR-Ukun ho minoria fo duvidas ba Partidu Fretilin no Partidu Demokratiku (PD) nia proposta orsamental. Nune’e, antes atu lori ba Parlamentu Nasional (PN) tenki deskute uluk hodi hetan konkordansia.

“Se’e orsamentu liu ka la liu, ita debate uluk. Se’e ita hotu iha interese atu lori dezenvolvimentu ba rai ida ne’e. Orsamentu laiha, dezenvolvimentu laiha. Hau ema ida sempre iha konfiansa tanba ne’e maka hau mai hamrik iha ne’e.”

Lia hirak ne’e hato’o hosi Primeiru Ministro (PM), Mari Bin Amude Alkatiri ba Jornalista sira liu hosi konferensia imprensa ne’ebe hala’o iha Palasiu Prezidensial Aitarak laran, Tersa, (03/10/2017).

Hatan konaba Ministru Planeamentu Estratejiku ne’ebe kaer hela hosi Kay Rala Xanana Gusmão tuir Mari nia hanoin, Kay Rala Xanana Gusmao halo nia Funsaun atu servi estadu. Xanana lapresija tama iha governu ne’e. No hau respeita ida ne’e.

Hatutan PM Mari hodi halo komparasaun, uluk nia a’an la-tama governu. Maibé, nafatin servi Estadu. Kuandu ba Oe-cuse, servi Estadu.Kuandu ba hamutuk ho Xanana to iha Banku Mundial hau servi Estadu. No laos ho membru Governu deit.

Hatan ba Planu Estratejiku Kay Rala Xanana Gusmao dehan sei kontinua, dehan PN Mari, planu laos deit Suplay Beis, Enerji. Maibé, planu ne’e dezenvolvimentu Nasional tomak.

“Baze dezenvolvimentu maka Planu Estratejiku dezenvolvimentu ne’ebe maka ita bolu dehan gia de implementasaun,” hodi hatutan.

Programa prontu ona. Iha Kinta semana ne’e, konsellu ministro sei aprova hodi haruka ba PN. Hahu kuaze 60 dias. Ba halo negosiasaun para atu forma governu, tanba hau buka Feto sira atu ba tur iha Ministro Justisa maka sedauk hetan ne’e maka sei hein ba pose Ida ikus liu maka dala 3. (Reportájem Dionisio da Cruz)

Leave a Reply

Your email address will not be published. Required fields are marked *