Oposisaun Nakfilak Ba AMP, Governasaun Minoritário Labele Senti Amiasa

MEDIAONETIMOR-Oposisaun maka pontu devista sosial para kontrola governu ejekuta programa no osan povu nian ho diak. Nune’e ho nakfilak ba Aliansa Maioria Parlamentár (AMP), governasaun koaligasaun labele senti hanesan amiasa.

“Ho oposisaun ne’ebé barak liu bloku koligasaun hodi nakfilak ba AMP, hosi governasaun Fretilin no Partidu Demokratiku (PD) labele senti amiasa tanba hosi AMP ne’e maka sei iha konsensus para tane a’as povu nia interese moris diak no estabilidade dezenvolvementu.”

Lia fuan hirak ne’e hato’o hosi Prezidente Bankada PD, Deputadu Maria Tereza Gusmaõ hodi responde jornalista bainhira husu nia argumentu konaba oposizaun forma ona AMP sei amiasa saida ba governasaun minoritário.

Nia esplika liutan, posisaun PD hamrik nafatin ho komitmentu; ‘Ba ó Timor ami Maubere- oan prontu atu servi iha kualker situasaun. Hamutuk ho Fretilin, PD prontu atu servi ba povu Timor-Leste (TL) nia moris diak.

Oposisaun ne’ebé maka nakfilak ona ba AMP katak Deputada Maria, realidade oposisaun maioria ne’ebé fo amiasa ba estabilidade VII Governu Koligasaun Minoritário. Maibé husu ba AMP atu tenki konsensus para tane a’as liu povu nia moris no estabilidade ba povu atu apoiu governu liu husi programa ne’ebé mak apresenta.

“Oposizaun iha direitu atu asina plataforma no harí AMP. Maske nune’e, VII Governu Konstituisional tenki hamrik ho nia programa no nia orsamentu estabilidade povu nia moris diak liu ita tenki tane a’as liu rajaun buat hot-hotu. Ida ne’e mak prinsipiu governu ida atu hamrik,” tenik Depuatada Maria.(Reportájem Hilario da Silva)

Leave a Reply

Your email address will not be published. Required fields are marked *