Membru Konsellu Estadu Oscar Lima: “Adere ASEAN Setor Privadu Tenki Preparadu”

MEDIAONETIMOR-Hetan previlezu para hola fatin iha membru Konsellu Estadu, Prezidente Camara Comersiu Industria Timor-Leste (CCI-TL), Oscar Lima kompromete sei kontribui ho kapasidade ne’ebé maka iha hodi hakna’ar-an iha membru konsellu estadu ida ne’e.

“Prezidente rasik maka konvida hau para atu sai hanesan membru konsellu estadu nian. Ne’ebé hau kompromete sei halo buat ne’ebe maka bele. Hanesan timor-oan fo buat ne’ebe maka bele fo. Ne’ebé idak-diak nian. Hau sei laba halo buat ne’ebé maka kontrariu ho povu nia hakarak.”

Hateten atuál Prezidente CCI-TL, Oscar Lima ba Jornalista hafoin remata enkontru ho Prezidente Repúblika, Francisco Guterres Lú Olo iha Salaun Palasiu Prezidente Nicolau Lobato iha semana ne’e.

Adere ASEAN Tenki Preparadu

Iha sikun seluk Oscar Lima subliña, atu adere ba ASEAN ne’e normal. Politika maka hakarak. Maibé, TL maka tenki preparadu. Preparadu hó seitor privadu atu sai ba membru ASEAN hodi bele kompete. Selae labele kompete.

Nune’e Oscar Lima husu ba governante sira atu tenki fo insentivu ba setor privadu nasional para bele kompete. Tanba tuir politikamente TL bele adere ASEAN. Maibé setor privadu husu para atu prepara hodi bele kompete iha ASEAN.

Konaba folin sasan iha rai laran saé tuir Oscar Lima, impaktu ba folin sasan seidauk saé. Kuandu haré di-diak sasan nia folin iha merkadu lao normal. Laiha mudansa. Folin hela hanesan bai-bain. (Reportájem Deonisio da Cruz)

Leave a Reply

Your email address will not be published. Required fields are marked *