PM Marí: “OR Laliu Oposisaun Halo ona Funsionamentu PN”

MEDIAONETIMOR-Primeiru Ministeriu (PM) IIV Governu Jestaun, Marí Bin Amude Alkatiri hateten, Orsamentu Ratifikativu (OR) ne’ebé laliu laos kulpa governu nian. Maibé tanba oposisaun halo ona ba funsionamentu Parlamentu Nasionál (PN).

“Hosi OR ne’ebé laliu ne’e laos kulpa governu nian. Saida maka oposisaun halo ne’e hahu krije instituisionál. Tamba komisaun sira iha PN agora la funsiona. Komoisaun ida deit mak lidera sira seluk. Oposisaun mak lidera hotu.”

Liafuan hirak ne’e hato’o husi PM IIV Governu Jestaun, Marí iha nia deskursu ho Administrador sira husi Munisipiu Covalima iha edifisiu Administrasaun Suai Villa relasiona hó selebrasaun loron proklamasaun Independensia ba dala 42 iha Munisipiu Covalima, Suai.

Nia hateten, opozisaun sira lakohi tan debate orsamentu ne’e mak hahu provoka krize instituisionál hodi halo instituisaun sira la funsiona ona. Labele foti desizaun. Signifika, PN la-funsiona ona. Prezidente Repúblika mak fo desizaun ikus.

Tenik Marí, krije instituisionál ne’ebé lao daun-daun ne’e akontese hosi órdem lideransa oposisaun ba deputadu nain 35. Entaum sira nia lideransa maka provoka krize hodi fo perkupasaun ba komunidade hasoru difikuldade sasan folin merkadu sa’e.

“Povu laran labele taridu. Tamba solusaun sei mai tuir hó konstituisaun. Laos tuir vontade ema ida ou rua nian. Salariu sei to’o Fulan Fevereiru. Sei bele aguenta tan fulan ida to’o tolu ho balun. Aguenta la to’o Prezidente Repúblika sei foti desizaun ikus. (Reportajem Aderito Ximenes)

Leave a Reply

Your email address will not be published. Required fields are marked *