Isu Somotxo Sei Rezigna A’an, Marí: “Hau La-autoriza Membru Governu Rezigna A’an”

MEDIAONETIMOR– Tanba deklarasaun politika ne’ebé kontraversial hosi Ministru Defeza no Seguransa, José Agostinho Sequeira Somotxo hetan kritika hosi povu Timor-Leste (TL) liu hosi sosiál mídia ne’ebé hakotu hó isu rezigna a’an tuir Primeiru Ministru (PM) IIV Governu Jestaun, Marí Bin Amude Alkatiri dehan la-autriza membru governu atu rezigna a’an.

“Laiha membru governu ida mak atu rejigna a’an. Hau PM mak hatama membru governu sira. No hau mak responsabilidade ba membru governu hotu. Tamba ne’e laiha ida atu rezigna a’an,” hatan PM Marí ba jornalista konaba públikasaun Ministru Deveza no Seguransa, Somotxo atu rezigna a’an hafoin remata isar bandeira komemorasaun 28 Novembru 2017 iha Suai.

Hanesan públika tiha ona iha mídia nasionál Somotxo hateten, nu’udar Ministru Deveza no Seguransa perkupa hó Orsamentu Ratifikativu (OR) ne’ebé la-passa sei prejudika servisu F-FDTL no PNTL nune’e akontese buat ruma sei intrega ba Deputadu 35 maka sei responsavel.

“Hau nu’udar Ministro Defeza no Seguransa kuandu problema ruma mosu iha Timor ne’e, nein soldadu F-FDTL ho PNTL ida sai. Hotu-hotu iha Kuartel. Tanba problema ne’e provokasaun hosi deputadu sira,” deklara Somotxo.

Ba kestaun ne’e Marí hateten, IIV Governu sei hamutuk nafatin. Dala ruma hó emosaun halo deklarasaun sala, ne’e normal. Tamba ho emosi. Laiha konsikuensia át ba ida ne’e. No ema balun la gosta nia arepende. Karik bele halo auto defeza ba hasu deskupa. Maibé laiha ida atu rejigna a’an.

Fo Konvite, TMR La-marka Prezensa

Iha parte seluk hatan jornalista konaba prezensa lider partidu oposizaun sira ne’ebé la-partisipa PM IIV Governu Jestaun, Marí dehan, Prezidente Partidu Politiku Libertasaun Populár (PLP), Taur Matan Ruak (TMR) la-marka prezensa ne’e normal.

“Tamba dala barak ona. Uluk tempu Taur Matan Ruak sei Prezidente Repúblika Marí la-marka prezensa nafatin,” dehan Marí.

Maibé tuir Veteranus, João Agustinho nia senti triste iha komemorasaun loron historiku ne’e la- marka presensa husi TMR. Tamba Taur hanesan veteranus. Hotu-hotu nia ulun la-marka prezensa.

“Ami veteranus Munisipiu Covlima senti triste oit oan. Ami senti triste tamba ohin ami veteranus sira simu Konde korasaun maibe ami nia maun Bo’ot Taur la-marka prejensa ne’e ami senti triste oit oan,” tenik João ho lian triste. (Reprotájem Aderito Ximenes)

Leave a Reply

Your email address will not be published. Required fields are marked *