Partidu Halo Timor-oan Hán Malu, Indonezia Invade

MEDIAONETIMOR-Tamba Timor-oan iha Partidu Politiku Fretilin, UDT, Travelista, KOTA no Partidu Politiku Apodeti hafahe no la-intende malu maka loke dalan ba Indonezia interven hodi invade.

“Loron 7 Dezembru 1975 akontese tamba Timor-oan rasik maka loke dalan. Loke iha prosesu politiku kolonijasaun nian. Ita la intende malu. Partidu Fretilin hakarak ukun a’an. Maibé partidu seluk hakarak buat seluk. Entaun ita ho ita hahu hán malu iha momentu ne’eba maka loke dalan ema seluk interven.”

Lia fuan hirak ne’e hato’o hosi reprezentante Primeiru Ministru atuál Ministru Saúde, Rui Maria de Araújo iha nia deskursu selebrasaun loron invazaun Indonezia mai Timor-Leste (TL) iha loron 7 Dezembru 1975, Ponte kais foin lalais ne’e.

Nia hateten, loron 7 Dezembru 1975 Indonezia invade TL liu husi tasi. Kalohan. Rai maran. Ema rihun ba rihun maka mate. Maibé lahamate espiritu Timoroan nia luta ba auto determinasaun ukun rasik a’an.

Rui esplika liutan, hosi Indonezia nia invasaun ne’e maka marka mós intervensaun estranjeiru iha prosesu luta ba ukun rasik a’an. Nune’e maka loron 7 Dezembru tinan-tinan selebra nu’udar memoria atu hanoin fila fali invasaun Indonezia hanesan sekensia prosesu deskolonijasaun iha nia ambisoens teritoriais.

Aliende ne’e hatutan Rui, 7 Dezembru hanesan mós pontu auto husi oparasaun ne’ebé hanaran seroja. Tanba, antes ne’e iha ona operasoens intelijensia barak. Ida hosi opersaun ne’e maka komodo.

Maibé katak Rui, 7 Dezembru hela hanesan historia deit. Labele repete fila fali. Daun-daun ne’e TL iha situasaun politika, opozisaun ho Koligasaun Governu dada ba dada mai. Hosi esperensia 7 Dezembru 1975, hotu-hotu tenke asumi responsabilidade para ema seluk labele aproveita.

“Agora dadauk ita iha situsaun politika ne’ebé opozisaun ho Koligasaun Governu dada ba dada mai. Ita hotu tenke asumi responsabilidade atu labele loke dalan ema seluk atu aproveitamentu. Hotu-hotu fo liman, fo neon ba malu hodi kesi metin unidade nasional TL nian,” husu Rui ba Timoroan nia responsabilidade ba ukun a’an.(Reprotájem Aderito Ximenes)

Leave a Reply

Your email address will not be published. Required fields are marked *